Вільтоўскага і Хведарука выпусцілі, бо ім няма дзе сядзець
Паўла Вільтоўскага і Змітра Хведарука выпусцілі з ізалятара на вуліцы Акрэсціна.
З хлопцаў узялі падпіску аб нявыездзе на 2 месяцы, — паведаміў Еўрарадыё іх знаёмы, які пажадаў захаваць сваё імя ў таямніцы.
Цягам гэтага часу Вільтоўскі і Хведарук мусяць вярнуцца за краты
яшчэ на 9 сутак — бо 1 суткі з прысуджаных ім 10 яны паспелі адседзець.
Мяркуецца, што актывістаў дэмакратычнага руху зноў зняволяць у ізалятары
тады, калі там вызваліцца месца.
Нагадаем, зараз у звязку з акцыямі апазіцыі 19 і 20 снежня тэрмінамі зняволення да 15 сутак пакараныя больш за 600 чалавек. У Еўрарадыё ёсць звесткі пра 450 з іх.
