Якія мянушкі ў кандыдатаў у прэзідэнты?
У дзяцінстве Някляеў быў Князем, а цяпер стаў Пракопычам, Раманчук з Сіндбада ператварыўся ў Правадыра, а Статкевіча за вочы называюць Таранам.
Еўрарадыё пацікавілася, як называлі кандыдатаў у прэзідэнты ў дзяцінстве і ці ёсць у іх мянушкі сёння.
Уладзіміра Някляева яшчэ ў школе празвалі Князем, гэтая ж мянушка перайшла і ў інстытут.
Уладзіміра Някляева яшчэ ў школе празвалі Князем, гэтая ж мянушка перайшла і ў інстытут.
"У
школе я адказваў нейкі ўрок па рускай літаратуры пра князя Няклюдава,
яго каханне, і вось нешта зачапілася, і так я стаў Князем", — патлумачыў Еўрарадыё Уладзімір Някляеў.
Цяпер, паводле словаў кандыдата, у камандзе яго называюць проста Пракопыч.
А
вось ініцыятыўная група Яраслава Раманчука жартам называе свайго
кіраўніка Правадыр. Але і ў дзяцінстве мянушка была, як у сапраўднага
лідара.
"Калісьці ў нас быў папулярны мульцік "Сіндбад", і мяне клікалі Сіндбадам, — прыгадвае Яраслаў Раманчук. — Таму
што чалавек быў дапытлівы, хацеў ведаць больш за ўсіх. Таму вось такая
мянушка: бо з аднаго боку — дапытлівы і разумны, з другога боку —
энергічны і не сядзіць на месцы".
Рыгору Кастусёву
ў маленстве мянушка дасталася ад бацькі, якога ў вёсцы празвалі
Храбрым. А цяпер да яго збольшага звяртаюцца або "спадар Рыгор", або
"дзядзька Рыгор".
Як у дзяцінстве празвалі
маленькага Мікалая Статкевіча, кандыдат у прэзідэнты казаць не захацеў.
Цяпер, згодна з яго словамі, наўпрост да яго па мянушцы не звяртаюцца —
але за спіной…
"Адзін кандыдат у прэзідэнты сказаў мне, што мяне за спіной называюць Таран", — усміхаецца Мікалай Статкевіч.
Віктар Цярэшчанка
кажа, што ў штабе яго ўсе называюць толькі Віктарам Іванавічам. У
дзяцінстве, хоць і вельмі хацелася, таксама не было ніякай мянушкі.
Магчыма, таму што быў інтэлігентным хлопцам, чэмпіёнам па шахматах, і
ніколі не піў, мяркуе кандыдат.
"У
дзяцінстве хацеў, каб мне далі мянушку, але мянушку не далі. Ва ўсіх
хлопцаў заўсёды была мянушка. Я называў сябе Карасём ці яшчэ неяк, а
мянушкі не было. Называлі проста Віця".
Хрысціянскі дэмакрат Віталь Рымашэўскі прызнаўся, што заўсёды выступаў катэгарычна супраць мянушак, таму ніколі не дазваляў, каб яго называлі неяк "не так".
