Зборная Германіі першай выйшла ў плэй-оф чэмпіянату Еўропы па футболе
Немцы забілі два галы ў браму венграў / Reuters
Зборная Германіі першай выйшла ў плэй-оф чэмпіянату Еўропы па футболе. Гаспадары турніру атрымалі ўжо дзве перамогі. У сераду былі абыграныя венгры — 2:0 (у першым матчы немцы разграмілі зборную Шатландыі — 5:1). У іншым паядынку групы Швейцарыя і Шатландыя згулялі ўнічыю 1:1.
У зборнай Германіі 6 ачкоў, Швейцарыя набрала 4, Шатландыя — 1, а ў Венгрыі ачкоў няма.
