Жаночая дыскрымінацыя ў Беларусі — што кажуць улады і што насамрэч?
Праваабаронца Наста Базар / Мостмедыя
На мінулым тыдні ў ААН прайшло чарговае паседжанне Камітэта па ліквідацыі ўсіх формаў дыскрымінацыі ў адносінах да жанчын. Падчас яго ўпершыню за апошнія 9 гадоў быў прадстаўлены даклад з Беларусі. Прадстаўніца нашай краіны ў ААН Ларыса Бельская рапартавала пра прагрэс у галіне гендарнай роўнасці і пра тое, як усё добра з правамі жанчын Беларусі.
Але даклад Бельскай не пераканаў сяброў Камітэту. Чаму? Пра гэта ў 13:00 па Мінску размаўляем з гендарнай эксперткай Настай Базар. Наста на свае вочы бачыла, як прадстаўніца Беларусі адказвала на пытаніі камісіі, а дагэтуль актывістка прадставіла сваю справаздачу ў ААН наконт сітуацыі з гендарнай роўнасцю ў Беларусі.
