Журналіст BBC, які браў інтэрв'ю ў Лукашэнкі, іграе Купалінку на фартэпіяна
Стыў Розенберг іграе на фартэпіяна / скрыншот з відэа
Журналіст BBC Стыў Розэнберг, які браў інтэрв'ю ў Лукашэнкі на мінулым тыдні, сыграў на фартэпіяна мелодыю беларускай песні "Купалінка". Відэазапіс з выкананнем мелодыі ён выклаў у сябе ў Twitter.
I play the Belarusian folk song Kupalinka. #Belarus @BBCNews @BBCWorld @BBCRadio3 pic.twitter.com/em7la3QNAA
— Steve Rosenberg (@BBCSteveR) November 27, 2021
Нагадаем, на мінулым тыдні тэлеканал BBC апублікаваў інтэрв'ю з Аляксандрам Лукашэнкам. Інтэрв'ю атрымала шырокі водгук у аўдыторыі, у тым ліку і з-за бесстаронняй манеры журналіста задаваць пытанні. Так, журналісты палічылі, што за 24 хвіліны размовы Лукашэнка сарваўся 14 разоў.
