Зімняя вайна: ці спыніць зіма УСУ, а плот — наступ з Беларусі. Эфір з Левіным
Ігаль Левін / фота з яго архіва
Вызваленне Херсона ўзняло веру ва Узброеныя сілы Украіны на касмічную вышыню — усе з нецярпеннем чакаюць новых перамог і паведамленняў пра новыя вызваленыя тэрыторыі. Але паразы толькі падвысілі жорсткасць Крамля і расійская армія ўзмацніла абстрэлы крытычнай цывільнай інфраструктуры Украіны. І павялічвае колькасць сваіх войскаў на тэрыторыі Беларусі, пагражаючы адкрыццём “другога фронту”.
Ці стане зіма перашкодай для далейшага наступу ўкраінскай арміі? Як трагедыя ў Польшчы паўплывае на пазіцыю NATO і ці чакаць павелічэння паставак узбраення? Ці ўзрасла пагроза ўдзелу беларускага войска ў наступе на Украіну і ці дапаможа спыніць гэты наступ плот на мяжы? На гэтыя ды іншыя пытанні адказвае ваенны эксперт, афіцэр Арміі абароны Ізраіля Ігаль Левін.
