Зміцер Дашкевіч асуджаны на 15 сутак арышту
Беларускі апазіцыйны палітык Зміцер Дашкевіч асуджаны Мінскім раённым судом на 15 сутак адміністрацыйнага арышту. Пра гэта паведаміла яго жонка Наста Дашкевіч. 15 студзеня Дашкевіча затрымалі з бел-чырвона-белым сцягам у руках падчас традыцыйнай Курапацкай варты. Ён яе праводзіць з сябрамі каля рэстарана "Поедем поедим", пабудаванага недалёка ад месца масавага пахавання ахвяр сталінскага рэжыму. Гэта бестэрміновы пратэст.
"Без усведамлення таго, што такое Курапаты, у нас няма будучыні", — казаў Дашкевіч у нядаўнім інтэрв'ю (на відэа).
Зміцер Дашкевіч — былы лідар маладафронтаўцаў, былы палітвязень.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
