Знялі каранцін у манастыры, куды на Вялікдзень ездзіў Лукашэнка
Завершаны каранцін у Лядзенскім Дабравешчанскім манастыры Смалявіцкага раёна, паведамляецца на афіцыйным сайце Беларускай праваслаўнай царквы.
Сёлета на Вялікдзень у гэты манастыр прыязджаў Аляксандр Лукашэнка з малодшым сынам Мікалаем. А праз тыдзень стала вядома, што манастыр зачынены на каранцін у сувязі з выяўленымі выпадкамі каранавіруса.
Каранцін знялі праз месяц. Ужо 24 траўня ў манастыры прайшла літургія. Богаслужэнне ўзначаліў епіскап Барысаўскі і Мар'інагорскі Веніямін.
Перад прычашчэннем вернікаў ён нагадаў вернікам пра неабходнасць санітарных мераў засцярогі згодна з указаннямі мітрапаліта Мінскага і Заслаўскага Паўла, Патрыяршага Экзарха ўсяе Беларусі, і Міністэрства аховы здароўя.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
