Зяленскі вярнуў Саакашвілі ўкраінскае грамадзянства
Уладзімір Зяленскі сваім указам вярнуў Міхаілу Саакашвілі ўкраінскае грамадзянства, перадае Громадське. Ён выдаў адмысловы ўказ, які адмяняе рашэнне Пятра Парашэнкі.
Сам Саакашвілі ўжо напісаў у Фэйсбуку: "Дзякуй прэзідэнту Зяленскаму! Слава Украіне!"
Раней Зяленскі назваў экс-кіраўніка Адэскай вобласці "абаронцам дэмакратыі Украіны". А Саакашвілі заяўляў, што Зяленскі "не падобны ні да аднаго з кандыдатаў".
Папярэдні прэзідэнт Украіны Пётр Парашэнка 26 ліпеня 2017 года пазбавіў Саакашвілі ўкраінскага грамадзянства. Ніякіх заяваў з гэтай нагоды ні прэзідэнт, ні супрацоўнікі адміністрацыі не рабілі. Пасля гэтага ў верасні 2017 Саакашвілі незаконна перасёк дзяржаўную мяжу Украіны з боку Польшчы. Пасля гэтага яму да 2021 года забаранілі ўезд ва Украіну.
