Зяленскі выказаўся наконт вызвалення Беларусі
Наталля Масяйчук нагадвае Уладзіміру Зяленскаму пра заяву Святланы Ціханоўскай / Кадр з відэа
Уладзімір Зяленскі выказаўся наконт вызвалення Беларусі. Пасля інтэрв'ю з прэзідэнтам Украіны журналістка Наталля Масяйчук уключыла запіс са словамі Святланы Ціханоўскай. "Ціханоўская", — сказаў Зяленскі, пабачыўшы, што менавіта яму даюць паслухаць. У пачатку лета ў Масяйчук у інтэрв'ю спыталася ў Ціханоўскай, ці не звернецца яна ў пэўны момант да прэзідэнта Украіны з просьбай дапамагчы вызваліць Беларусь? "Я гэтага не выключаю", — адказала кіраўніца Аб'яднанага пераходнага кабінета Беларусі.
"На маю думку, як будзе. Шчыра. Я лічу, што ўкраінская перамога паставіць кропку. І я буду вельмі рады за супольнасць гэтых краін. Не толькі Беларусі. Гэта будзе пытанне неаб'яднанай Малдовы, і пытанне Грузіі. Я ўпэўнены, што перамога Украіны дасць магчымасць палітычнаму рашэнню, дэмакратыі і вяртанню цэласнасці гэтых дзяржаў... Я ўпэўнены. І не трэба думаць спадарыні Ціханоўскай пра арміі іншых дзяржаў", — сказаў Уладзімір Зяленскі.
У згаданым інтэрв'ю Святлана Ціханоўская таксама казала, што "толькі адных "каліноўцаў" не хопіць, нам найперш патрэбна магутная падтрымка ўнутры краіны".
