З'явілася дзіўная інструкцыя па ўводзе дадзеных лічыльнікаў вады
З'явілася інструкцыя па ўводзе дадзеных лічыльнікаў вады ў Адзінай разліковай інфармацыйнай прасторы (АРІП). Жыхары Мінска са студзеня 2017-га атрымалі магчымасць уводзіць іх адразу пры аплаце камунальных паслуг, без здзяйснення дадатковых дзеянняў (адпраўленне SMS, тэлефанаванні ці наведванне вузкаспецыялізаваных сайтаў). Плаціць за ўвядзенне дадзеных лічыльнікаў не трэба.
На сайце raschet.by змешчана падрабязная інструкцыя. Дарэчы, прыклад прыведзены дзіўны. Па першым лічыльніку розніца за месяц складае 5, па другім — таксама 5, а сума плацяжу — аж 50 рублёў!
Фота: raschet.by
Як інфармуе БЕЛТА, увядзенне насельніцтвам дадзеных лічыльнікаў вады пры аплаце камунальных паслуг праз АРІП у Мінску стане магчыма не раней за 15 студзеня.
