6 красавіка ў Бруселі збярэцца каардынацыйная група "Еўрасаюз — Беларусь"
6 красавіка ў Бруселі збярэцца каардынацыйная група "Еўрасаюз — Беларусь". На ёй будуць абмяркоўвацца ўсе накірункі ўзаемадзеяння нашай краіны з ЕС. Гэта і пытанні энергетыкі, навакольнага асяроддзя, і пытанні правоў чалавека, заявіў у аўторак міністр замежных спраў Беларусі Уладзімір Макей.
Беларускую дэлегацыю ачоліць Алена Купчына, намесніца міністра замежных спраў. У яе запланаваныя двухбаковыя сустрэчы ў кіраўнічых органах Еўрасаюза, інфармуе прэс-служба МЗС нашай краіны.
Каардынацыйная група "Еўрасаюз — Беларусь" будзе працаваць у Бруселі 6-7 красавіка.
Алена Купчына і Уладзімір Макей. Фота: БЕЛТА
