Абломкі ракеты С-300 упалі за 66 метраў ад крайняга дома ў вёсцы Гарбаха
На Брэстчыне звалілася ракета С-300 / БЕЛТА
аАбломкі ракеты ў Іванаўскім раёне ўпалі за 66 метраў ад крайняга дома ў вёсцы Гарбаха, перадае БЕЛТА.
На месцы здарэння цяпер працуюць следчыя, спецыялісты Дзяржкамітэта судовых экспертыз, Міністэрства абароны, а таксама група размініравання. Тэрыторыю ачапілі міліцыянты, людзей адвялі на бяспечную адлегласць.
Як паведамлялася раней, зранку каля вёскі Гарбаха ў Іванаўскім раёне ўпала ракета. Афіцыйная версія — яе збілі беларускія войскі СПА, калі ракета ўвайшла ў паветраную прастору Беларусі. Паводле папярэдніх звестак, гэта абломкі зенітнай кіраванай ракеты з-300, выпушчанай з тэрыторыі Украіны.
Сёння Расія правяла масіраваную ракетную атаку па тэрыторыі Украіны. Паводле звестак украінскага боку, было выпушчана 64 ракеты, 53 з іх украінцы здолелі збіць.
