Адміністратарку дваровага чата затрымлівалі пасля вяртання з Польшчы ў Беларусь
Затрыманая адміністратарка / тг-канал сілавікоў
Сілавікі затрымалі адміністратарку дваровага чата "Неманская 76, 78, 80", у якім было 22 чалавекі. Відэа з затрыманай з'явілася ў тг-канале ГУБАЗіК.
На відэа дзяўчына кажа, што працуе ў Польшчы адміністратаркай інтэрнэт-крамы, а таксама мадэруе дваровы чат. Пад прымусам яна кажа, што ў чаце ў 2020 годзе публікаваліся "рознага кшталту паведамленні, накіраваныя супраць дзейнай улады". Дзяўчына дадае, што гэтыя паведамленні ўжо выдаленыя, а новыя праходзяць мадэрацыю. Цяпер чат на 22 чалавекі выдалены.
Дзяўчыну прымусілі прасіць прабачэння ў сілавікоў. Таксама супрацоўнікі ГУБАЗіК заявілі, што цяпер яна знаходзіцца на волі.
