Аляксандр Лукашэнка звольніў пасла Беларусі ў Чэхіі

Аляксандр Лукашэнка сваім указам вызваліў Валерыя Курдзюкова ад пасады Надзвычайнага і Паўнамоцнага Пасла Рэспублікі Беларусь у Чэшскай Рэспубліцы. Тэкст дакумента апублікаваны на Нацыянальным прававым партале.

Яшчэ 5 верасня Валерый Курдзюкоў у статусе пасла браў удзел у памятных мерапрыемствах і ўскладаў вянок ля помніка ахвярам нацызму ў мемарыяльным комплексе "Тэрэзін". Мемарыял створаны ў памяць вязняў былога канцлагера і яўрэйскага гета.

На старонцы Курдзюкова ў Facebook цяпер напісана, што ён "працаваў у МЗС Беларусі". У знешнепалітычным ведамстве Курдзюкоў прапрацаваў каля 30 гадоў. Дыпмісію ў Чэхіі ўзначаліў у 2015 годзе.

Што стала прычынай адстаўкі, не паведамляецца.