Амерыканскі фермер трапіў у Кнігу Гінэса: вырасціў моркву вагой больш за 10 кг
Фермер Крыстафер Квалі з ЗША вырасціў самую вялікую моркву ў свеце. Гэты рэкорд быў зафіксаваны ў Кнізе рэкордаў Гінэса.
Як удакладняе тэлеканал СТВ, караняплод важыць 10,18 кг. Папярэдні рэкорд, адзначаны ў Кнізе Гінэса, быў усталяваны ў 2014 годзе — тады морква важыла 9,1 кг.
Квалі жартуе: шмат хто думае, быцам морква вырасла такая вялікая, бо дзесьці побач ляжаць ядзерныя адкіды, але гэта не так.
Па словах фермера, ён не хацеў ёсць караняплод, але яго цешча пачаставалася кавалачкам морквы-рэкардсменкі. Сам жа Квалі плануе, што гэтая гародніна пойдзе на насенне.
