Анатоля Шумчанку аштрафавалі за "распаўсюд экстрэмісцкіх матэрыялаў"
Анатоль Шумчанка / facebook.com
Анатоля Шумчанку аштрафавалі за "распаўсюд экстрэмісцкіх матэрыялаў" на 480 рублёў, ён на волі. Суд над былым кіраўніком рэспубліканскага аб'яднання прадпрымальнікаў "Перспектыва" (ліквідаванае ўладамі ў 2021 годзе) прайшоў у сераду, піша @viasnanazirae.
Пра затрыманне Шумчанкі стала вядома ў аўторак. Напярэдадні ён паехаў з Мінска на допыт у Баранавічы і назад не вярнуўся. Да суда яго пакінулі за кратамі.
У мінулую пятніцу ў Анатоля Шумчанкі прайшоў ператрус, у яго забралі камп'ютар і тэлефон.
