Андрэй Бандарэнка выйграў суд ва ўласніка “БелГазеты” Кірыла Жываловіча

Выказванні, пра якія ідзе гаворка былі апублікаваныя на асабістай старонцы ўласніка “БелГазеты” ў Facebook, на сайтах Еўрарадыё і “Беларускі партызан”, а таксама агучаныя ў эфіры тэлеканала “Белсат”. Акрамя абвяржэння, праваабаронца патрабаваў кампенсацыю за маральную шкоду — 40 тысяч рублёў.

Суд часткова задаволіў патрабаванні Андрэя Бандарэнкі. Суддзя Зінаіда Красоўская вырашыла, што Кірыл Жываловіч мусіць абвергнуць фразы са словамі “аферыст”, “прайдзісвет” і “махляр”, якія яна прызнала не адпаведнымі рэчаіснасці і зневажаючымі гонар, годнасць і дзелавую рэпутацыю Бандарэнкі. Таксама Жываловіч мусіць заплаціць Бандарэнку 500 рублёў кампенсацыі за нанесеную маральную шкоду.