Арыштаваны былы палітвязень Ілля Міронаў
Ілля Міронаў пасля вызвалення ў кастрычніку 2022-га / Фота з Facebook Валянціны Міронавай
Былога палітвязня Іллю Міронава арыштавалі на 5 сутак. Як піша @viasna96, яго судзілі па адміністрацыйнай справе за "распаўсюд экстрэмісцкіх матэрыялаў". У Міронава знайшлі падпіску на "экстрэмісцкі" тг-канал.
Іллю Міронава затрымалі ў панядзелак наўпрост у РАУС. Сілавікі прыходзілі да яго яшчэ ў пятніцу, але ён у той час быў у Мінску.
Летась Міронава асудзілі да 1,5 года калоніі па "справе Зельцэра". За кратамі яго ўтрымлівалі больш за год. На волю ён выйшаў у кастрычніку 2022-га.
Ілля Міронаў вядомы тым, што напісаў тысячы лістоў беларускім палітвязням. Спачатку ён трапляў пад адміністрацыйны арышт, а пасля супраць яго распачалі крымінальную справу. Беларускія праваабаронцы прызнавалі яго палітвязнем.
