Бармэна гомельскага бара "Квартирник" затрымаў ГУБАЗіК
Глеб Вятошкін / t.me/viasna96
У Гомелі ГУБАЗіК затрымаў бармэна бара "Квартирник" Глеба Вятошкіна, перадаюць праваабаронцы "Вясны".
У праўладных тэлеграм-каналах пішуць, быццам ён распаўсюджваў "экстрэмісцкія" матэрыялы (ч. 2 арт. 19.11 КаАП). Таксама паведамляецца, што ў жніўні 2020-га ўдзельнічаў у пратэстах, абражаў прадстаўнікоў улады і распальваў сацыяльную варожасць.
Сілавікі заяўляюць, што акрамя адміністрацыйнага пратакола на Вятошкіна могуць пачаць крымінальную справу: "сабраныя і накіраваныя матэрыялы ва УСК па Гомельскай вобласці для ўзбуджэння шэрагу крымінальных спраў за ўдзел у масавых беспарадках, распальванне сацыяльнай варожасці і варажнечы".
