Баўмгертнера могуць выдаць Расіі для “следчых дзеянняў”

Пра гэта са спасылкай на крыніцу, знаёмую з сітуацыяй, піша інфармагенцтва “Interfax”:

"Як толькі расійскія следчыя атрымаюць матэрыялы ад сваіх беларускіх калегаў, можа паўстаць пытанне пра выдачу Баўмгертнера ў Маскву для выканання следчых дзеянняў", — кажа суразмоўца агенцтва.

Разам з тым, крыніца не выключае, што на нейкім этапе следчыя з Расіі змогуць прыехаць у Мінск для працы з гендырэктарам "Уралкалія" “на месцы”.

"Пытанне пра выдачу Баўмгертнера будзе вырашацца падчас перамоў паміж дзвюма пракуратурамі і, магчыма, на палітычным узроўні", — адзначыла крыніца.

Раней 16 верасня намеснік генпракурора Расіі Аляксандр Звягінцаў паведаміў, што беларускі бок прыняў рашэнне вылучыць матэрыялы ў дачыненні расійскіх грамадзянаў, якія праходзяць па "калійнай справе", у асобную вытворчасць і перадаць іх у Генеральную пракуратуру Расіі.

Фота: ria.ru.