Байдэн папярэдзіў амерыканцаў, каб неадкладна пакінулі Украіну

11/02/2022 - 07:34

Амерыканцы, якія застаюцца ва Украіне, павінны неадкладна яе пакінуць, заявіў прэзідэнт ЗША Джо Байдэн. Ён патлумачыў гэта пагрозай з боку расійскага войска.

"Амерыканскія грамадзяне павінны з'ехаць цяпер. Не падобна на тое, што мы маем справу з тэрарыстычнай арганізацыяй. Мы маем справу з адной з найбуйнейшых армій свету. Гэта зусім іншая сітуацыя, і ўсё можа хутка выйсці з-пад кантролю", — перадае hromadske.ua словы прэзідэнта ЗША.

Байдэн абверг верагоднасць адпраўкі вайскўцаў ва Украіну нават для выратавання амерыканцаў: "Гэта сусветная вайна, калі амерыканцы і Расія пачнуць страляць адзін у аднаго".

10 лютага Дзярждэпартамэнт ЗША папярэдзіў, што не зможа эвакуяваць сваіх суграмадзян "у выпадку расійскіх ваенных дзеянняў ва Украіне".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.