Беларусь і Расію папрасілі не ехаць на акцыю з нагоды вызвалення Бухенвальда
Афіцыйных прадстаўнікоў Беларусі і Расіі не будуць сёлета запрашаць на мерапрыемствы з нагоды 77-й гадавіны вызвалення нацысцкага лагера смерці Бухенвальд. Такое рашэнне прыняў Фонд мемарыяльных комплексаў Бухенвальд і Мітэльбаў-Дора.
"Мы пісьмова апавясцілі консульскія ўстановы пра тое, што іх не чакаюць на мерапрыемствах", — цытуе ТАСС словы дырэктара арганізацыі Енса-Крысціяна Вагнера.
Па яго словах, для яго невыноснай з'яўляецца думка пра магчымы ўдзел беларускіх або расійскіх афіцыйных асобаў у такіх акцыях пасля нядаўняй гібелі вязня Бухенвальда Барыса Раманчанкі.
У Фондзе кажуць, што іхная забарона адрасаваная толькі афіцыйным прадстаўнікам Беларусі і Расіі — звычайных людзей з Беларусі, Украіны і Расіі яны будуць радыя вітаць.
Як распавядала Еўрарадыё, 96-гадовы былы вязень Бухенвальда Барыс Раманчанка загінуў у Харкаве пад расійскім абстрэлам у сярэдзіне сакавіка: снарад пацэліў у яго дом.
Richtig. Unser Vorgehen richtet sich ausschließlich gegen offizielle Vertreter:innen der Regierungen. Menschen aus Russland und Belarus sind uns am Befreiungstag sehr willkommen. Die Erinnerung an russ., belarussische und ukrainische Opfer ist in @Buchenwald_Dora ganz zentral. https://t.co/g0UnF8mSdZ
— Stift. Gedenkstätten Buchenwald und Mittelbau-Dora (@Buchenwald_Dora) March 29, 2022
