Беларусь — лідар Усходняй Еўропы па спаме
Кампанія Sophos апублікавала дадзеныя па спаме ў свеце.
Як паведамляюць польскія СМІ, даследаванні праводзіліся ў ліпені-верасні 2013 года. Па іх выніках быў складзены спіс краінаў, з якіх найбольш высылаецца спаму ў свеце.
На першым месцы ў рэйтынгу знаходзяцца ЗША, якія высылаюць 14,6% сусветнага спаму. Беларусь жа аказалася на першым месцы па спаме сярод краінаў Усходняй Еўропы.
Sophos — вытворца сродкаў інфармацыйнай бяспекі. Кампанія стварае праграмы для фільтравання спаму, барацьбы з вірусамі і шпіёнскімі праграмамі.
Фота — Fotolia
