Беларусь не будзе пераходзіць на зімовы час
Башня з гадзіннікам у Мінску / Еўрарадыё
Ужо на гэтых выходных – уночы з суботы на нядзелю – шмат краінаў пяройдуць на зімовы час. А Беларусь – не. Гэта значыць, зменіцца розніца ў часе паміж намі і нашымі суседзямі.
Розніца з Украінай, Літвой і Латвіяй будзе ў адну гадзіну: у Мінску – 10:00, у Кіеве, Вільні і Рызе – 9:00.
Розніца з Польшчай павялічыцца да дзвюх гадзінаў: у Мінску – 10:00, у Варшаве – 8:00.
А вось з Расіяй розніцы не ўтворыцца, бо яна таксама не пераходзіць на зімовы час.
