Беларусь зняла забарону на пастаўкі папулярнай расійскай гарбаты
Гарбата, ілюстрацыйнае фота / pixabay.com
Мінздароўя Беларусі з 19 красавіка зняла забарону на пастаўкі і продаж папулярных відаў гарбаты расійскай кампаніі "Орими".
Паведамляецца, што вытворцы прадаставілі доказы, што яны кантралююць якасць і бяспеку тавараў, "стабільнасць працэсаў вытворчасці, захоўвання, транспарціроўкі прадукцыі".
Як распавядала Еўрарадыё, з 1 красавіка ў Беларусь быў забаронены ўвоз і гандаль папулярных марак расійскай гарбаты ў пакеціках "Прынцэса Кандзі моцны характар", "Прынцэса Кандзі" цэйлонская і "Гіта". Беларускія эксперты выявілі цвіль у прадукцыі ў розных рэгіёнах краіны. У Расспажыўнаглядзе паведамілі, што цвілі ў гарбаце няма, і пераклалі адказнасць на беларускіх гандляроў, якія няправільна транспартавалі і захоўвалі прадукцыю.
