Беларускай антарктычнай станцыі прыдумалі новую назву
"Гара Вячэрняя" / БЕЛТА
Беларускай антарктычнай станцыі прыдумалі новую назву. Цяпер яна называецца "Гара Вячэрняя". Кіраўнік Нацыянальнай Акадэміі навук Уладзімір Гусакоў прапанаваў яе перайменаваць у "Беларускую". Адбылося гэта ў пятніцу на сустрэчы Аляксандра Лукашэнкі з навукоўцамі і ўдзельнікамі беларускіх антарктычных экспедыцый.
У цяперашні час у Антарктыцы размешчана каля 70 навуковых станцый 30 дзяржаў. У склад беларускай навукова-даследчай станцыі ўваходзяць службова-жылыя, тэхналагічны, прыродаахоўныя аб'екты, прыборныя комплексы і навуковыя стацыянары. Там могуць праводзіць даследаванні ў галіне біялогіі, фізікі атмасферы, кліматалогіі, геафізікі і геаэкалогіі да 15 чалавек.
Лукашэнка прапанаваў прысутным падумаць, як даследаванні беларускіх палярнікаў могуць быць ужо цяпер выкарыстаныя ў "рэальным сектары эканомікі".
