Беларуская АЭС будзе гатовая да запуску не пазней за чэрвень 2020 года
Дата запуску першага энергаблока на Беларускай аэс залежыць ад працягласці папярэдніх этапаў. Але плануецца, што гатовая да запуску АЭС у Астраўцы будзе яшчэ ў першай палове 2020 года.
Пра гэта ў афіцыйным адказе на ліст Еўрарадыё паведаміў намеснік гендырэктара БелАЭС па агульных пытаннях Валерый Сенюць.
"Паводле ацэнкі спецыялістаў поўная гатоўнасць першага энергаблока да фізічнага пуску, з улікам неабходнасці выканання ўсіх рэгламентных работ, можа быць забяспечана ў першым паўгоддзі гэтага года пры адсутнасці форс-мажорных абставінаў", — гаворыцца ў афіцыйным лісце.
Адказ дырэкцыі БелАЭС на ліст Еўрарадыё
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
