Беларускі банк пераправіў грошы з дапамогай дрона (фота)
Зранку 4 жніўня "Белгазпрамбанк" у Мінску з дапамогай дрона перавёз невялікую суму наяўных грошай свайму партнёру — аўтамабільнаму дому "Энергія ГмбХ". Дарога ад Прытыцкага, 60/2 да Ціміразева, 68 заняла каля 10 хвілінаў, піша onliner.by.
Да дрона DJI Matrice банкіры прымацавалі невяліку скрынку, у якую паклалі 100 рублёў і 100 долараў. Пасля прызямлення дрона прадстаўнікі аўтамабільнага дома дадалі ў скрынку яшчэ нейкую суму і адправілі назад. Агулам дарога ў два бакі, якую адолеў дрон, склала каля 7 км.
Дарэчы, каб атрымаць дазвол на запуск дрона, банкірам давялося ўзгадняць эксперымент у розных інстанцыях, у тым ліку ў службе бяспекі прэзідэнта і Міністэрстве абароны.
