Беларускі дальнабойнік вёз шэсць машын Tesla з ФРГ, але трапіў пад суд у Польшчы
Перавозка электракараў Tesla / Ваяводская інспекцыя дарожнага транспарту ў Аполе
У Апольскім ваяводстве Польшчы транспартныя інспектары спынілі для кантролю фуру з літоўскімі нумарамі. Аўтамабіль перавозіў транзітам з Германіі праз Польшчу шэсць электрамабіляў Tesla.
За рулём фуры быў грамадзянін Беларусі, ад якога інспектары адчулі моцны пах алкаголю, піша MOST. Беларуса праверылі на цвярозасць: праверка паказала ў выдыханым паветры 0,32 праміле алкаголю.
Аўтамабілі адправілі на стаянку, а нецвярозага кіроўцу перадалі паліцыі. Цяпер нашага суайчынніка чакае суд.
