Беларускія тэнісісткі прайгралі ў кваліфікацыі Australian Open
Тэніс, ілюстрацыйнае фота / pixabay.com
Дзве беларускія тэнісісткі прайгралі ў кваліфікацыі і не змаглі выйсці ў асноўную сетку адкрытага чэмпіянату Аўстраліі, які праходзіць у Мельбурне. Гэта першы турнір серыі "Вялікага шлема".
Аляксандра Сасновіч (141-ы нумар рэйтынгу WTA) у першым крузе кваліфікацыі саступіла ў кітайскай тэнісістцы Січжэ Вэй (119) — 5:7, 6:4, 3:6. Яшчэ адна нашая суайчынніца Алёна Фалей (210) у двух сэтах прайграла прадстаўніцы Аўстраліі Арыне Радзівонавай (184) — 3:6, 5:7.
У асноўным этапе, без удзелу ў кваліфікацыі, выступяць дзве беларускія тэнісісткі — дзеючая пераможца Australian Open Арына Сабаленка (першая ракетка планеты) і Вікторыя Азаранка (22-я ў сусветным рэйтынгу).
