Беларусы прадаюць праз інтэрнэт... хрушчоў
Абвесткі аб продажы хрушчоў / kufar.by
На інтэрнэт-пляцоўцы kufar.by з'явіліся некалькі дзясяткаў прыватных абвестак аб продажы хрушчоў.
Сярод прадаўцоў большасць — з Віцебскай вобласці. Кошты вар'іруюцца ад 10 да 50 капеек за штуку.
Прадаўцы прапаноўваюць хрушчоў "для рыбалкі ды іншага". Свой тавар яны нахвальваюць самымі рознымі спосабамі: "смачныя і сакавітыя", "выдатныя прыгажуны", "свежыя, маладыя яшчэ лётаюць".
