Беларусы знайшлі ў цягніку з Расіі 6 кг ювелірных вырабаў (фота, відэа)

Беларускія мытнікі знайшлі ў цягніку "Санкт-Пецярбург — Кіеў" 6 кг ювелірных вырабаў. Яны былі схаваныя ў міжстолевай прасторы ў адным з вагонаў. Як інфармуе прэс-служба Дзяржаўнага мытнага камітэта Беларусі, у чатырох пакетах знаходзілася каля 550 бранзалетаў, ланцужкоў, падвесак і г. д. У асноўным гэта вырабы з срэбра, некаторыя маюць пазалоту. Паводле папярэдніх падлікаў кошт кантрабанды склаў каля 35 тысяч долараў.