"Белавія" выставіла на таргі Boeing 737-500
Старт аўкцыёну прызначаны на 8 лістапада / ipmtorgi.by
Авіякампанія "Белавія" прадае з таргоў Boeing 737-500, паведамляе арганізатар аўкцыёну.
Самалёт выведзены з эксплуатацыі ў чэрвені. Працаздольнасць яго рухавікоў, вузлоў і агрэгатаў ня правяралася. У апісанні лота таксама сказана, што пры дыягностыцы і разборцы Boeing могуць выявіцца ўтоеныя дэфекты.
Разам з самалётам прадаюцца два рухавіка і дапаможная сілавая ўстаноўка.
Пачатковы кошт лота складае 2,9 мільёна рублёў, або 1,2 мільёна даляраў па курсе Нацбанка. Жадаючыя купіць самалёт павінны ўнесці задатак у памеры 147,5 тысяч рублёў. Старт аўкцыёну прызначаны на 8 лістапада.
