Больш за 25 тысяч беларусаў папрасілі не пускаць іх у казіно

Больш за 25 тысяч беларусаў папрасілі не пускаць іх у гульнявыя ўстановы на тэрыторыі краіны. Такую лічбу назваў журналістам намеснік міністра па падатках і зборах Васіль Каменка, перадае БЕЛТА.

Нагадаем, што мера па самаабмежаванні для гульняманаў дзейнічае са студзеня 2013 года. Абмежаваць сябе можна на тэрмін ад 6 месяцаў да 3 гадоў. Для гэтага дастаткова проста напісаць заяву ў адвольнай форме і падаць яе ў любое казіно. Гэта заява не падлягае вяртанню і распаўсюджваецца на ўсе клубы, казіно і іншых арганізатараў азартных гульняў на тэрыторыі Беларусі.

Звесткі пра такіх асобаў Міністэрства па падатках і зборах заносіць у спецыяльную базу даных.

Абмежаваць уваход у казіно — бясплатна, а ў інтэрнет — каштуе грошай

Фота — casinominsk.by