Брэсцкія міліцыянты не пусцілі людзей да бюста Тараса Шаўчэнкі

У Брэсце міліцыя не пусціла людзей да помніка Тарасу Шаўчэнку на аднайменным бульвары.

9 сакавіка адзначаецца дзень нараджэння ўкраінскага класіка. Сёння каля бюста Шаўчэнкі меўся адбыцца дазволены мітынг. Аднак міліцыянты не прапусцілі брастаўчан. "Дзень нараджэння заўтра, кветкі пакладзеце заўтра", — так, па словах відавочцаў, казалі сілавікі.

Праваабаронцы паведамляюць, што каля помніка стаіць шэсць міліцэйскіх аўто і больш за дзясятак людзей у форме. Пры спробе прайсці да помніка быў затрыманы мясцовы актывіст Алег Вялаў.