Брытанскага парламентара злавілі на электроннай гульні падчас працы
Найджэл Мілс гуляў на планшэце ў Candy Crush.
Дэпутат парламента Вялікабрытаніі Найджэл Мілс прызнаўся, што на слуханнях, прысвечаных судовай рэформе, гуляў у гульню Candy Crush на планшэце, паведамляе ВВС.
Фатаграфію з кампраматам на сябра кансерватыўнай партыі апублікавала газета Sun. Па звестках выдання, парламентарый правёў дзве гадзіны, збіраючы віртуальныя прысмакі.
Па словах Мілса, гэта не перашкаджала яму быць цалкам уцягнутым у працэс абмеркавання.
Фота — profi-forex.org
