Былую палітзняволеную паштарку адправілі на "суткі"
Ларыса Танкашкур / "Наша Ніва"
14 сутак адміністрацыйнага арышту прысудзілі былой палітзняволенай паштарцы Ларысе Танкашкур, паведамляюць праваабаронцы "Вясны".
Як распавядала Еўрарадыё, жанчыну затрымалі зранку 16 лістапада. Па словах сілавікоў, пасля свайго вызвалення з калоніі яна адправіла даныя свайго суддзі і пракурора ў "Чорную кнігу Беларусі".
17 лістапада жанчыну судзілі, Яе прызналі вінаватай у "дробным хуліганстве" паводле арт. 19.1 КаАП і адправілі на "суткі".
На пачатку 2021 года Танкашкур асудзілі на тры месяцы зняволення за перадачу ў пратэсны тэлеграм-чат даных дзясяткаў міліцыянтаў.
