Чарговага "японскага шпіёна" затрымалі на чыгунцы ў Гомельскай вобласці
Чыгунка, ілюстрацыйнае фота / pixabay.com
На станцыі Калінкавічы ў Гомельскай вобласці 1 снежня машыніст цеплавоза заўважыў мужчыну, які здымаў на відэа пуцеправод.
Ён перадаў інфармацыю работнікам ваенізаванай аховы, і тыя разам з міліцыяй затрымалі яго. Выявілася, што гэта грамадзянін Японіі. Затрыманага японца перадалі супрацоўнікам КДБ.
"На момант публікацыі імя і прозвішча дадзенага грамадзяніна, як і далейшы яго лёс, высветліць нам не ўдалося", — паведамляе Супольнасць чыгуначнікаў Беларусі.
Раней у Беларусі ўжо затрымалі грамадзяніна Японіі, які працаваў у Гомельскім дзяржуніверсітэце і рабіў шмат здымкаў у Беларусі. Масатосі Наканісі абвінавацілі ў агентурнай дзейнасці. Праваабаронцы прызналі яго палітвязнем.
