Чарговы цыклон у Беларусі чакаецца 16 студзеня

Чарговы цыклон у Беларусі чакаецца ў суботу, 16 студзеня. Ён прынясе ў нашу краіну з Карпатаў моцныя снегапады і завірухі, паведаміла БЕЛТА Святлана Рыбакова, галоўны сіноптык Рэспубліканскага цэнтра па гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Як вядома, 12 студзеня Беларусь была пад ўплывам цыклона "Даніэла", які прынёс моцныя снегапады. Камунальныя службы дагэтуль чысцяць вуліцы і вывозяць снег.

Мінгарвыканкам пра рассылку "снежных" СМС: Нам ужо тэлефануюць раз'юшаныя людзі

Сіноптыкі папярэджваюць, што ўжо ўначы ў пятніцу тэмпература паветра апусціцца да 14 градусаў марозу, а пры праясненнях — да 15-18. У суботу, з прыходам новага цыклону, амаль па ўсёй Беларусі чакаецца снег, мокры снег, месцамі ён будзе моцны, магчымая завіруха, на дарогах — снежныя заносы. Тэмпература паветра ў начныя гадзіны складзе ад мінус 2 градусаў на поўдні да 15 марозу на поўначы, у дзённыя — 3-10 градусаў са знакам мінус, на поўдні — ад 0 да мінус 2.

Цыклон пакіне нашу краіну да нядзелі, калі з'явіцца халоднае паветра з Скандынавіі. Месцамі прагназуецца кароткачасовы снег, слабая завіруха, на асобных участках дарог будзе галалёдзіца. Уначы 17 студзеня чакаецца 9-16 градусаў ніжэй за нуль (пры праясненнях — да -20), удзень — 7-14 марозу, на Віцебшчыне — да 16 градусаў са знакам мінус.

У пачатку наступнага тыдня марознае надвор'е захаваецца.