Чэргі на прыватызацыю кватэры дасягаюць 120 чалавек у дзень
Менавіта столькі чалавек звярнуліся ў адміністрацыю Першамайскага раёна Мінска ў адзін з папярэдніх дзён.
Пра гэта Еўрарадыё распавялі ў аддзеле жыллёвай палітыкі раённай адміністрацыі.
Супрацоўніца адміністрацыі: “Зараз ужо шмат людзей пайшло. Па інфармацыі на мінулым тыдні, у панядзелак 120 чалавек звярнуліся”.
Нагадаем, практычна распрацаваны, узгоднены і рыхтуецца да перадачы кіраўніку дзяржавы праект указу пра перавод жылых памяшканняў, прадастаўленых па дамове найму, у разрад камерцыйнага жытла. Акрамя таго, прадугледжваецца і перавод службовых жылых памяшканняў у разрад камерцыйнага жытла.
Фота — 900igr.net
