Чэрыкаўскую акушэрку аштрафавалі за "захоўванне экстрэмісцкіх матэрыялаў"
Суд Чэрыкаўскага раёна 31 студзеня разгледзеў справу супраць акушэркі мясцовай лякарні, паведамляюць праваабаронцы.
На яе склалі пратакол паводле арт. 19.11 КаАП. Жанчыну абвінавацілі ў захоўванні ў "Аднакласніках" экстрэмісцкіх матэрыялаў з мэтай распаўсюду. Нагодай сталі матэрыялы тэлеканала, прызнанага ў Беларусі экстрэмісцкім.
На судзе жанчына не прызнала сваю віну і заявіла, што "не размяшчала на сваё старонцы забароненыя матэрыялы". Аднак суд палічыў яе віну даказанай і аштрафаваў на 10 базавых (320 рублёў). Таксама ў яе пастанавілі канфіскаваць тэлефон і сім-карту аператара А1.
