Ці спрацаваў фэйк пра адказнасць за падпіску на “экстрэмісцкія ТГ”?
Насуперак чаканням, “беларускае пытанне” не становіцца менш актуальным для заходніх палітыкаў. Не прайшло і некалькіх тыдняў пасля абмеркавання беларускай тэмы ў Хельсінкскай камісіі ЗША, як сітуацыю ў Беларусі вынеслі на абмеркаванне ў Саўбезе ААН. І ёсць адчуванне, што беларускі рэжым наўмысна робіць усё, каб так і працягвалася.
Што азначае вынясенне беларускага пытання на слуханні Саўбеза ААН? Як на Захадзе адрэагавалі на паведамленне пра адказнасць за падпіску на “экстрэмісцкія ТГ-каналы”? На гэтыя ды іншыя пытанні адказвае медыяэксперт і аналітык iSANS Серж Харытонаў.
