Ціханоўская ў Румыніі гаварыла пра міжнародны трыбунал для Лукашэнкі і Пуціна
Падчас сустрэчы ў парламенце Румыніі / twitter.com/Tsihanouskaya
Святлана Ціханоўская заклікала румынскі парламент падтрымаць стварэнне міжнароднага трыбунала для Аляксандра Лукашэнкі і Уладзіміра Пуціна. Падчас візіту ў гэтую краіну яна сустрэлася з прадстаўнікамі парламенцкіх камітэтаў па міжнародных справах.
"Кожнае злачынства павінна быць зафіксавана і расследавана — як злачынствы супраць чалавечнасці ў Беларусі, так і ваенныя злачынствы ва Украіне", — напісала Ціханоўская ў Twitter.
29-30 лістапада Святлана Ціханоўская возьме ўдзел у сустрэчы кіраўнікоў знешнепалітычных ведамстваў краін NATO і АБСЕ, якая пройдзе ў Бухарэсце.
Today the challenge of the democratic world is to help Belarus & Ukraine in our common struggle for freedom and independence. The security of Europe depends on the outcome of this war. And how this war will end also depends on the solution to the political crisis in Belarus. pic.twitter.com/Q6atGuBsdk
— Sviatlana Tsikhanouskaya (@Tsihanouskaya) November 28, 2022
