Ціханоўская заклікала Наўседу караць памагатых рэжыму, а не ўсіх беларусаў
На сустрэчы Ціханоўскай і Наўседы / t.me/tsikhanouskaya
Святлана Ціханоўская падчас сустрэчы з Гітанасам Наўседам абмеркавала магчымыя абмежаванні супраць беларусаў.
Як паведамляе прэс-служба Ціханоўскай, яна падзякавала Літве, якая прыняла дзясяткі тысяч беларусаў і сотні арганізацый, вымушаных уцякаць ад рэпрэсій. Разам з тым яна заклікала прэзідэнта Літвы не ўраўноўваць абмежаванні супраць беларусаў і расіянаў.
Ціханоўская адзначыла, што разумее рызыкі, звязаныя з магчымай дзейнасцю агентаў беларускага рэжыму. Аднак санкцыі не павінныя ўдарыць па абсалютнай большасці беларусаў, якія не падтрымліваюць Лукашэнку і Расію.
"Гэта грае на руку толькі расійскай і лукашэнкаўскай прапагандзе, дэмаралізуе беларусаў і абмяжоўвае працу грамадзянскай супольнасці", — заявіла яна.
Замест гэтага Ціханоўская прапанавала пашырыць спіс індывідуальных санкцый супраць памагатых рэжыму.
Таксама падчас сустрэчы з прэзідэнтам Літвы абмяркоўваліся магчымае закрыццё межаў і неабходнасць захавання гуманітарных калідораў на выпадак эскалацыі.
