Дачакаліся: у Мінску ізноў прагучыць "Народны альбом"!
Вясной, 16 красавіка, у Мінску ізноў загучыць "Народны альбом" — супольны музычны праект на вершы Міхала Анемпадыстава. Здавалася б, да канцэрта яшчэ далёка. Але падрыхтоўку да выступу музыканты ўжо распачалі. Справа ў тым, што ў праекце задзейнічана шмат музыкантаў з розных калектываў. І нават — з розных краін. Да ўсяго, не выключана, што музыканты гэтым разам вырашылі нам нейкую новую "разынку" падрыхтаваць...
У чым сакрэт папулярнасці "Народнага альбома" ў слухачоў і ці не надакучыў ён удзельнікам гэтага супольнага праекта? Ці змяняецца нешта ў падачы "Народнага альбома"? Ці гатовыя ўдзельнікі праекта саступіць месца на сцэне "маладому пакаленню"?
На гэтыя ды іншыя пытанні ў жывым эфіры Еўрарадыё адказваюць удзельнік супольнага праекта "Народны альбом" Аляксандр Памідораў і прадзюсар Уладзімір Шаблінскі.
Трансляцыю са студыі можна паглядзець у сацсетках: Facebook, "ВКонтакте", "Аднакласнікі". Там жа задавайце нашым гасцям пытанні!
