Дэпутатка Ананіч прапануе адчыняць "Бульбяныя" замест "МакДональдса"
Лілія Ананіч / sb.by
Замест зачыненых рэстаранаў "МакДональдс" трэба адчыняць беларускія "Бульбяныя". Пра такую заяву экс-міністра інфармацыі, а цяпер дэпутаткі Ліліі Ананіч паведамляе прэс-служба Палаты прадстаўнікоў.
Ананіч назвала рэстараны "Макдональдсы" "замежнай булачна-катлетнай" і падкрэсліла, што "ў справе "Мака" кропка пастаўленая».
Бульбяныя, па словах Ананіч, добрыя "дранікамі, клёцкамі, картаплянікамі, калдунамі і яшчэ сотнямі страў з нашай бульбачкі".
Былыя рэстараны "МакДональдс" у Беларусі з 22 лістапада будуць працаваць пад расійскім брэндам "Вкусно — и точка". Між тым 18 лістапада Аляксандр Лукашэнка заявіў. што на месца амерыканскіх рэстаранаў павінныя прыйсці беларускія вытворцы: "У нас што, булачку напалову не могуць разрэзаць і ўпіхнуць у гэтыя дзве палоўкі кавалачак мяса, бульбы і салаты?"
