Домрачава і Б'ёрндален яшчэ не абралі імя для другой дачкі
"Яшчэ адзін цуд" / instagram.com/dadofun/
У Дар'і Домрачавай і Уле-Эйнара Б'ёрндалена нарадзілася другое дзіця, таксама дзяўчынка. "Яшчэ адзін цуд у нашай сям'і", — напісала Дар'я ў Instagram. Яна нараджала ў Мінску. У 2016-м Домрачава нарадзіла дачку Ксенію і дзякавала медыкам 6-й гарадской клінікі беларускай сталіцы.
"Мы вельмі задаволеныя. Ксенія з нецярпеннем чакае сустрэчы з малой, — кажа Б'ёрндален. — Імя пакуль не абралі. Гэта складана. Цягам некалькіх дзён прыдумаем, у нас шмат варыянтаў".
Летась Дар'я Домрачава распавядала, што зорная пара былых біятланістаў жыве ў Манака. Там іх дачка пайшла ў школу.
