Дональд Трамп і Кім Чэн Ын падпісалі ў Сінгапуры выніковы дакумент

Дональд Трамп і Кім Чэн Ын падпісалі выніковы дакумент саміту, які 12 чэрвеня прайшоў у Сінгапуры. Кіраўнік Паўночнай Карэі назваў яго "гістарычным" і праанансаваў "вялікія перамены". А прэзідэнт ЗША сказаў, што ганарыцца вынікамі сустрэчы. Трамп адзначыў, што адносіны ЗША і Паўночнай Карэі "цяпер у зусім іншай сітуацыі, чым раней".

Гэта была першая ў гісторыі сустрэча лідараў КНДР і Злучаных Штатаў. На саміце абмяркоўвалася нармалізацыя адносін краін, адмова Пхеньяна ад ядзернай праграмы і гарантыі бяспекі для яго.

Цікава, што перад падпісаннем выніковага дакумента адзін з чальцоў дэлегацыі КНДР працёр аўтаручку, прызначаную для Кім Чэн Ына.