Два тыдні вайны ўжо каштавалі Расіі $30 млрд

ВУП Расіі за два тыдні вайны ўжо страціў блізу 30 мільярдаў даляраў, піша Bloomberg. Фактычна, вытворчасць у РФ з пачатку ўварвання ўпала на 2% — гэта падзенне супастаўнае з гадавым зніжэннем у 2020-м, звязаным з пачаткам пандэміі.

Bloomberg мяркуе, што гадавы ВУП Расіі ўпадзе прыкладна на 9%, аднак усё залежыць і ад ходу вайны, і ад санкцый. Аналітыкі з Bank of America прадракаюць расейскаму ВУП падзенне на 13% і нават больш.

Пры гэтым прамыя страты, звязаныя са знішчанай ваеннай тэхнікай, пакуль не ацэньваюцца — там парадак таксама можа ісці на мільярды долараў.

Для параўнання: у 1998-м, калі Расія перажыла самы сур'ёзны эканамічны крызіс і дэфолт, падзенне ВУП склала "усяго толькі" 5,3%.